Inicio > Tu salud > Desórdenes del sueño > Defendío de roncar
Desórdenes del sueñoSalud masculina

Defendío de roncar

El ronquíu ta causáu pola vibración de los texíos llandios de la boca y del gargüelu cuandu esiste daqué torga al llibre fluxu d’aire peles víes respiratories superiores. Esta ye la definición del ronquíu. Ye triestimente avezáu n’adultos y non necesariamente ye siñal de trestornos subyacentes. Trátase d’una molestia refugada socialmente, de fechu son perpoques les presones qu’almiten roncar, y puen inclusu llegar a ser motivu de divorciu. Sigún estadístiques, más de la metá de los adultos que lu carez durmen en cuartos separtaos. La rialidá ye que’l roncaor nun tien un descansu afayaizu y, cuandu ye severu, ello pue prevocar trestornos de salú.

LES CAUSES
Desconócense les causes del ronquíu nes más de les presones, anque paez ser más bien un trestornu masculín. Suel asociase al sobropesu, conxestión nasal por resfriaos o alerxes, hinchazón del velu la boca o la campanina (texíu que colinga na parte d’atrás de la boca) o a la inflamación d’adenoies y anxines. El consumu d’alcohol, soníferos o antihistamínicos tamién proca ronaquíos. Otres causes pauen ser tener la llingua grande en comparanza col tamañu la boca, carecer dalguna anomlía nos güesos de la cara o sufrir una disminución de la capacidá pulmonar.

L’APNEA DEL SUAÑU
Defínese asina cuandu la presona esperimenta demientres el suañu episodios nos que nun alienda parcial o dafechamente demientres más de diez segundos y, darréu, produzse un ronquíu o xadéu súbitu cuandu s’entama de nueu a alendar, siguiendo col ronquíu. Un especialista en suañu pue evaluar si tien apnea del suañu con polisomnografía que pue facese en casa o en clíniques.

CONSEYOS PA EN CASA
– Evitar l’ acol y sedantes enantes de chucase.
– Nun dormir boca arriba.
– Baxar de pesu y facer esporte.
– Usar tires nasales ensin fármacos.

TRATAMIENTOS PROFESIONALES
Una esploración afayaiza por parte d’un otorrinolaringólogu pue valorar estremaes opciones méliques. Delles de les soluciones qu’esti especialista ufre son:
Dispositivos dentales pa torgar la retraición de la llingua.
Ciruxía del velu la boca.
Ciruxía pa correxir un tabique esviáu o estirpación d’anxines o adenoides.
En casos d’apnea del suañu, recomendaramos l’usu de la mázcara CPAP, un dispositivu que se coloca na ñarra p’amenorgar los ronquíos y l’apnea).

LOS RONQUÍOS EN NEÑOS
Los neños con ronquera crónico tienen de ser evaluaos por especialistes pa descartar l’apnea del suañu, que nos más piqueños rellacionase con problemes de xorrecimientu, hiperactividá, défici d’atención, rendimientu escolar deficiente, problemes de deprendizaxe, eneuresis ya hipertensión arterial. Los más de los neños que romque, fortunosamente nun carecen apnea, pero nun bon estudiu del suañu pue evalualo con seguranza.

 

SÍNTOMES P’ACUDIR AL ESPECIALISTA

· Sonolencia escesivo demientres el díi.
· Dolores de tiesta peles mañanes.
· Xubía de pesu.
· Cansanciu al esconsoñar.
· Problemes de concentración.
· Si carecemos apnees tenemos d’acudir aína al especialista.

Comments

comments

(Leido 40.332 veces)

Deja un comentario

Tu dirección de correo electrónico no será publicada. Los campos obligatorios están marcados con *