Inicio > Tu salud > Catarates: frecuentes y molestes
Tu salud

Catarates: frecuentes y molestes

NUN YE RARO PADECELES

Cuatro de cada diez persones mayores de 60 años carecen de catarates, la causa más común de ceguera qu’asocede de resultes del avieyamientu de los texíos del güeyu y que ye tratable con ciruxía, “una práctica que’l so ésitu ye cimeru al 95 per cientu”, afirmen especialistes.

Les catarates asoceden cuando’l cristalín (la lente del güeyu) tórnase opacu, situación que promueve un amenorgamientu de l’agudez visual, una visión borrosa ya imprecisa, fotofobia y dificultá na visión nocherniega.
Colos años les catarates maurecen ñaturalmente y, de manera lenta y progresiva, producen cambeos qu’afeuten la calidá de la visión.

Asina, a los pacientes con catarates faíse-yos difícil anovar la so llicencia de guiar, ver los collores y les cares con detalle, o, a cencielles, lleer el diariu o los mensaxes nel movil.

 

AVEZÁMONOS A VER MAL

Xeneralmente eses dificultaes van instalándose de manera paulatina, a puntu tal que’l paciente nota pocu porque va avezándose progresivamente a la so nuea manera de ver. Les catarates considérense una parte normal del avieyamientu. Dos de cada diez persones mayores de 50 años carécenles, y dempués de los 60 el valor xube a cuatru de ca diez”

Nun toes son iguales: dalgunes quiten más visión qu’otres y tamién tán les que lo faen más rápido qu’otres, pero, polo xeneral, son progresives y ponen en riesgu les actividaes cotidianes. Amás de la edá, hai otros factores de riesgu como l’heriedu, la diabetes, una llarga esposición al sol a lo llargo la vida, fumar, carecer trestornos visuales serios y un enllargáu usu d’esteroides, yá sía tópicos o sistémicos.

 

TIEN CURA: CIRUXÍA
Agora bien, cuandu los síntomes afeuten la calidá de vida cotidiana, tien de considerase la posibilidá de faer una ciruxía, que’l so ésitu ye cimeru al 95 per cientu, aseguren los espertos.
Los especialistes siñalen que se trátase d’una de les práutiques más realizaes: “Utilícense lentes intraoculares ya inclusive multifocales, que brinden un altu índiz d’independencia d’antioyos de cerca y llueñe. La ciruxía faese con anestesia en gotes y una bien leve sedación, y los pacientes tornen a la so casa al términu y en cuestión de díes retomen les sos actividaes.

 

CA VEGÁ YE MÁS FÁCIL TRATALES
Nos caberos años hebio una meyora calidá ya seguridá bien grande nesi tipu de ciruxía cola incorporación d’un nuevu láser llamáu de femtosegundu, que dexa afaer la fondura, estensión y llocalización de les incisiones y con una precisión bien cimera a la téunica d’anguañu.

Inclusive pue realizase la fragmentación del cristalín y casi tola intervención con esi procedimientu ensin tener que recurrir al ultrasoníu, que foi la téunica estándar mientres 25 años.

Comments

comments

(Leido 58.582 veces)

Deja una respuesta

Tu dirección de correo electrónico no será publicada. Los campos obligatorios están marcados con *