Inicio > Actualidad > Tresplantes de fieces pal tratamientu la colitis ulcerosa
ActualidadColitis ulcerosaEnfermedad de CrohnNoticias médicasTu salud

Tresplantes de fieces pal tratamientu la colitis ulcerosa

Un númberu creciente de pacientes con enfermedá inflamatoria del intestín ta recurriendo a tresplantes de fieces pa llograr aliviu.
Esta téunica revolucionaria esudióse comu ún de los tratamientos cimeros de la Colitis Ulcerosa y la Enfermedá de Chron y aplícase angüañu en dellos países.
Por exemplu, demientres casi trés años, Edward Bondurant realizó los sos propios tresplantes fecales para tratar la colitis ulcerosa. Nel so primer intentu, pidió-y a un amigu que fixera les donaciones y pidió-y a un médicu que lu ayudar a esaminar les fieces. Depués, entemecía curioso l’amuesa antes d’estrumila na so colon con un bulbu d’enema.

A Bondurant díba-y bien con tresplantar fasta ochobre de 2014, cuando alquirió una infeición bacteriana mientres un viax. La infección causó que la colitis ulcerosa descontrolárase y finalmente viose obligáu a estrayese’l colon. A pesar de lo asocedío, l’asesor financieru de 56 años nun se pena.
“Camiento que los tresplantes fecales ayudáronme a caltener el mio colon mientres dos o trés años más de lo que podría faelo”, diz Bondurant.

Al empar que Bondurant, un númberu ca vegá mayor de pacientes na comunidá de la enfermedá inflamatoria del intestín tamién tomaron l’asuntu en consideración con tresplantes de fieces. ¿Pero ye seguru? Y, lo que ye más importante, ¿podría’l tresplante de fieces d’otra persona ser un tratamientu efeutivu para la colitis ulcerosa?

El tresplante fecal implica la tresferencia de fieces d’un donante sanu al tractu gastruintestinal d’otra presona pa aidar a restaurar los microbios intestinales sanos, la nomada microbiota intestinal. La práutica esistió dende siquier finales de la década de 1950, cuandu se realizaron los primeros tresplantes. Magar los tresplantes fecales entá nun fueron aprobaos en dellos sitios, notros tanlo pa tratar les infecciones recurrentes por C. difficile: el tresplante fecal ye un tratamientu bien eficaz pal C. difficile cuandu les bacteries benéfiques que de normal s’atopen nel colon sumieron pola enfermedá y los antibióticos.

Tratamientu de la colitis ulcerosa con tresplantes fecales
La téunica los tresplantes fecales pa la colitis ulcerosa entá atópense n’etapa d’investigación.
Los investigaores tamién tán estudiando’l tresplante fecal comu posible tratamientu pa la Enfermedá Inflamatoria Intestinal (EII). Y les resultancies fasta agora foron alentaores.
Un estudiu publicáu en xineru de 2017 na revista Inflammatory Bowel Diseases afayó que los pacientes con colitis ulcerosa que recibieron una combinación d’antibióticos y tresplantes de microbiota fecal (TMF) foron quien a restablecer les poblaciones de bacteries intestinales sanes.
Entá asina, los mélicos alvierten que precísase más estudiu de siguío pa deprender más d’esta opción terapéutica.
Na actualidá, los mélicos que deseyen emplegar TMF pa tratar a pacientes por daqué destremao a les infeiciones por C. difficile tienen de faelo comu parte d’un ensayu clínicu autorizáu. De momento los TMF namás puen probase comu parte d’un ensayu clínicu fasta que se sepia más sobro si tresplantar pue aiudar a les malures fora del Clostridium difficile recurrente.

Los riesgos escondíos
Podríes tener una reactivación de la malura. En llugar d’ameyorar los síntomes de la EII, delles presones paecen esperimentar un biltu dempués d’un tresplante fecal.
Podríes tener una infeición. Nuna redolada clínica, les amueses de fieces van a un llaboratoriu para la so deteción primero que s’empleguen n’un tresplante fecal. El sangre tamién se prueba pa deteutar infeición.

Les dosis estándar nun tán establecíes. Con C. difficile recurrente, unu o dos tresplantes puen ser abondos pa curar la infeición. La EII ye más complicada porque entá naide sabe con qué frecuencia va precisar tratamientos pa controlar los síntomes. Los investigaores tampocu puen predicir por cuántu tiempu les bacteries saludables van caltenese actives en pacientes con colitis ulcerosa, y eso ye un pilancu a superar.
De toes formes, ca casu ye destremáu. Ye posible que ciertos pacientes yá tengan una infección soyacente o una forma grave, na que’l tresplante fecal podría aumentar el riesgu d’infeición. Otros, pola escontra, tenderán a responder perbién a esta téunica.
Los tratamientos de EII puen entrar en conflictu ente sí por interaición, tamién. Cualisquier melecina que tea tomando y que suprima’l sistema inmunitariu podríe aumentar el riesgu d’una infeición causada por un tresplante fecal non selleutivu.
Magar la investigación ta entamando a refundiar lluz so los beneficios potenciales del tresplante fecal pa la EII, entá nun ta llista del too. Pero si tiés dubies fala col equipu mélicu que t’aída a controlar la EII pa ver si la so condición, les sos melecines actuales y la so salú polo xeneral van faelu un bon candidatu.

Comments

comments

(Leido 48.854 veces)

Deja un comentario

Tu dirección de correo electrónico no será publicada. Los campos obligatorios están marcados con *