Inicio > Forma física y belleza > Fitness > Deporte > De secute, un esguince
DeporteEjercicioEstilo de vidaFitnessForma física y bellezaLesiones deportivasRehabilitación

De secute, un esguince

Si vas andando y de sutrucu das un mal pasu, esbaries y por nun cayer sofites el pie de mala manera, entós viente un dolor pergrande y pierdes l’equilibriu. Nesi casu ye probatible que teas un esguince y anque son perfrecuentes, non por ello dexen de ser molestos ya incapacitantes.

Tamos falando d’una malura qu’asocede al 50% les presones polo menos nuna vegá na vida y qu’amás implica tar col pie en reposu delles selmanes siguíes, col riesgu amestáu de que si lu sofites enantes de tiempu, pues llegar a desendolcar una lesión tendinosa pior que’l propiu esguince y precisar más rehabilitación entá.

Porque un esguince ye eso, un sobreesfuerciu al que se ve sometíu ún o más lligamentos articulares, llendándonos al oxetu d’esti artículu, un lligamentu del pie, concretamente del todíu.

Al sofitar más pesu de la cuenta o al desixi-y un allargamientu mayor al que dichu lligamentu ta avezáu, dase l’esguince.
Los síntomes son conocíos asgaya. Lo típico ye’l dolor de secute nel intre, mui agudu y pergrande. Dempués a lo llargu les hores va dir amenorgando inclusu ensin tratamientu dalu. Pero’l problema vien dempués, porque ye daqué davezu que’l dolor torne en forma meseta y ya nun cole fasta delles selmanes dempués. Si sufres un esguince, atiéndilu y nun ¡y quites la importancia que tien.

Comments

comments

(Leido 46.234 veces)

Deja un comentario

Tu dirección de correo electrónico no será publicada. Los campos obligatorios están marcados con *