Inicio > Dieta Saludable > Una dieta vexetariana pa la salú del coral
Dieta SaludableDietasEstilo de vidaNutrición

Una dieta vexetariana pa la salú del coral

Les investigaciones amuesen los efectos positivos d’una dieta vexetariana para amenorgar el riesgu d’enfermedá del coral. Inclusive si nun quites la carne dafechu, namái aumentando’l consumu de frutes y verdures  tarás más protexíu.

Les dietes vexetarianes tienen munchos beneficios pa la salú.  Pueden amenorgar el to riesgu de desenvolver síndromes metabólicos, que pueden aumentar el riesgu d’enfermedaes del coral, diabetes, y infuficiencies.

Tener síndromes metabólicos sinifica que tienes tres de cinco fautores de riesgu cardiovascular, qu’inclúi la presión de sangre alto, colesterol “bono” baxo, zucre en sangre alto, triglicéridos altos, y grasa abdominal.

Un estudiu publicáu na revista Diabetes estudió a 700 adultos y topó que’l 25% de les persones que siguíen una dieta vexetariana completa teníen síndrome metabólicu, comparáu col 37% en vexetarianos parciales y’l 39% de non-vexetarianos. Estos afayos sofiten munchos otros estudios qu’amuesen qu’una dieta vexetariana ye bono pa la salú del coral y baxa’l to riesgu de presión arterial alto y obesidá.

Por qué xintar vexetariano ye bono pa la salú del coral

“El beneficiu principal pa la salú del coral ye que les proteines de la carne sustitúinse nuna dieta vexetariana por llegumes y cereales. Ello fai que la dieta vexetariana tea baxos niveles de grases saturaes y colesterol”, comenten los espertos.

Otros beneficios de la dieta vexetariano pa la salú del coral son:

  • Más fibra pa ún colesterol meyor: la dieta vexetariana ye alta en fibra de frutes, vexetales, llegumes, y cereales. Una dieta rica en fibra ye bona pal colesterol, y eso meyora la salú del coral.
  • Menos caloríes pa ún control de pesu meyor: Quitando les grases de los productos animales redúcense les caloríes; amás, munches xintes de sustitución son altes en fibra y sáciente más rápido, asina que  xintes menos. Menos caloríes signifiquen menor riesgu d’obesidá, y eso ye tamién bono pa la salú del coral.
  • Una mayor cantidá de frutes y verdures pa tener bonos nutrientes y un coral sanu: les frutes y verdes ricos en vitamina C y otros antioxidantes protexen escontra les enfermedaes del coral.

Adautar la to dieta a estos conseyos

La bona noticia sobro esti estudiu ye que nun tienes de facete un vexetarianu total pa beneficiate de xintar menos carne. Si amenorgues les tos raciones de carne y les sustituyes por proteínes d’otres fontes un par de vegaes a la selmana, y enllenes el to platu con frutes y verdures, puedes  aprofitar munchos de los beneficios de la dieta vexetariana pa la salú del coral.

Equí tienes dellos trucos pa xintar daqué vexetariano y baxar de pesu:

  • En cada xinta, enllena a medies el platu con verdures.
  • Tenta xintar ente cinco y nueve pieces de frutes y verdures al díi.
  • Tira de verdures y vexetales verdes ricos en nutrientes y non de tubérculos y vexetales probes n’ello, comu les pataques.
  • Entruga nel to centro de salú  sobro estes cuestiones nutricionales ya investiga per interné nes páxines del Ministeriu de Sanidá, contauta con asociaciones vexetarianes y veganes… Hai munches opciones pa deprender.

Un día ensin carne

Pue que nun teas llistu pa facete vexetarianu dafechu, pero pues dexar la carne dellos díis a la semana: asina baxes de pesu más fácil y amenorgues el riesgo d’enfermedá del coral. Equí te dexemos delles suxerencies pa los platos:

  • Almuerzu: En cuenta d’almorzar tocín y güevos, preba l’avena con fruta fresca cortao perriba, o tostaes integrales con mantega de cacagüés.
  • Xinta: En cuenta de xintar ún emparedáu de carne, preba les sopes de verdures y y los burrinos vexetales.
  • Cena: En cuenta de pastia blanco con albóndigues, pásate a la pastia integral con berenxena y ayu asaos.
  • Taragaños y postres: nútrite meyor con batíos de miruéndanos si t’entra fame al mediudíi y xinta frutes comu’l plátanu, l’arándanu y la sandía de postre.

Lo más importante d’esta investigación ye qu’amuesa que xintar menos carne collorao y más frutes y verdures tien efeutos posiivos na salú del coral. Si quies evitar estes enfermedaes y baxar de pesu, garra los nutrientes necesarios d’orixes más sanos y naturales. ¡Y nun t’escaezas de facer exerciciu davezu!

Comments

comments

(Leido 48.410 veces)

Deja un comentario

Tu dirección de correo electrónico no será publicada. Los campos obligatorios están marcados con *