Inicio > Actualidad > La nueva normalidá: lo que sabemos fasta agora del coronavirus y cómo lleguemos a tar asina
ActualidadNoticias médicasTu salud

La nueva normalidá: lo que sabemos fasta agora del coronavirus y cómo lleguemos a tar asina

Les nueves infecciones por coronavirus se ralenticen, al empar que les naciones entamen a abrir l’actividá.

La expansión rápida d’un nueu coronavirus, declarao pandemia pola Organización Mundial de la Salú (OMS), sigue forciando a los países a tomar midíes drástiques, como’l pieslle fronterizu, pa evitar qu’esti virus siga reproduciéndose.

Les noticies camuden munchos díes cada hora, y ye complicao enterase de too y destremar lo importante del conxuntu. Pa echate un gabitu, en SALÚdable diremos espublizando noticies regulares sobre’l COVID-19, nome oficial del virus 2019-nCoV, d’importancia a nivel nacional, estatal ya internacional.

Dalgunos de los datos más importantes que tener en cuenta:

Anguaño hai más de 5 millones y mediu de casos positivos de COVID-19, y los númberos crecen a cada ratu. Cerca de mediu millón de persones finó pol andanciu.

Según los estudios, l’analís d’anticuerpos en sangre ye ún de los métodos más efeutivos pal diagnósticu de la enfermedá, con un 99,9% d’aciertu específicu y una sensibilidá completa. Los test d’anticuerpos pueden detectar si la persona, sintomática o asintomática, tuviera infectada pol virus y si ta sanando o yá sanó.

La reapertura de Disneyland Shangai escosó les entraes pa la so reapertura l’once de mayu en custión de minutos. El parque llevaba zarráu dende finales de xineru. Los visitantes han d’aportar un certificáu mélicu emitíu pol gobiernu chinu pa poder acceder a les instalaciones, onde consten los viaxes realizaos y l’historial de salú.

Amás, detectose un tipu d’inflamación na reciella y la xente mozo que puede tar vinculao al COVID-19. Hai dellos casos de muerte confirmaos por esta patoloxía.

Alcordies colos organismos sanitarios internacionales, nun se faen pruebes suficientes pa detectar los casos positivos de coronavirus, aisllalos y garantizar la reapertura gradual del estáu español. Los primeros datos amuesen un repunte nos enfermos pol andanciu nes comunidaes en fases de desescalada avanzaes.

Los chigres y restoranes siguen ensin delles soluciones especifiques en cuantu a la hixene. N’otros países europeos, como Holanda, tan optando por poner carpes individuales pa garantizar la distancia de seguridá y l’aisllamientu.

L’orixe del COVID-19: ¿cómo llegó a ser pandemia?

L’andaciu del coronavirus ta producío pol SARS-CoV-2, un virus de la familia corona que ye asemeyao a los SARS y MERS qu’espoxigaron n’infeiciones estos caberos años.

El virus que causa’l COVID-19 paez que surdiera na ciudá de Wuhan, nel centru China. Les autoridades sanitaries del país asiáticu creen qu’entamó nun gran mercáu d’animales y mariscu, de tala miente que’l virus se tresmitió d’animal a humanu y sólo dempués el contaxu pasó a dase ente persones. Dende entós, el mercáu ta clausuráu.

Supuestamente, l’andanciu tien una tresmisión similar al de la gripe: por partícules cuando daquién infectao tusi o espirria. Estes pueden inhalase o inxerise pola boca o la ñarra al contautu cola persona infeutada. La cercanía, que ta definío como interactuar a menos de dos metros de distancia un periodo de tiempo considerable, inclúi la convivencia, la visita o la estancia nun mesmu espaciu con daquién infeutao por COVID-19; esto fái que’l riesgu de contaxu seya munchu mayor.

La tresmisión en comuña, na que una persona infectada nun tien concenxa de que tuviera contautu con otra persona infectada, tamién ye un factor importante de tresmisión. Amás, dellos tresmisores del virus nun tienen síntomes.

¿Qué ye un coronavirus?

La cepa del nueu coronavirus forma parte de la familia corona, qu’iclúi dende’l catarru común al síndrome respiratoriu d’Oriente Mediu (MERS) y el síndrome respiratoriu agudu grave (SRAS).

Metanes el brote de SRAS ente payares de 2002 y xunetu de 2003, comunicáronse-y a la OMS 8.098 casos, asina como 774 finamientos.

Los coronavirus tresmítense pelos animales y los expertos creen qu’estos son responsables del 60% de los contaxos por enfermedaes infecciones n’humanos. Cuando hai tresmisión ente animales y persones esto considérase un efeutu secundariu o dañu collateral. De fechu, dellos investigadores creen qu’esta nuea cepa tresmitiose d’esperteyos a humanos por mediación d’un intermediariu animal, el pangolín.

Anque los virus tienen coses en común, nun dexa de ser una familia. Puedes destremar a los primos anque vengan toos del mesmu sitiu. Esti nuevu andanciu ye parte de la nomada familia, pero malapenes tamos entamando a conocer cuántu de munchu tien en común col restu.

¿Qué precauciones convien tener?

Amás de tar sollerte a les novedaes y les guíes llocales y estatales, convien fixase nes suxerencies espublizaes pola OMS dende l’entamu l’andanciu:

  1. Llava les manes davezu: con agua y xabón y polo menos per 20 segundos.
  2. Cuando nun puedas llavar les manes, usa xel hidroalcohólicu con una proporción del 60% d’alcohol polo menos. Frota les manes mínimu 20 segundos.
  3. Prautica distanciamientu social: calten, siempre que seya posible, una distancia de polo menos dos metros con otres persones, especialmente si tusen o espirrien.
  4. Si tienes tuse o espirríos, calten una bona hixene respiratoria: tusi o espirria en pañuelos d’un solu usu que tires xustu dempués. Si nun puedes, tusi o espirria contra’l coldu, nunca nes manes.
  5. Nun toques la cara: el virus tresmite fácil per güeyos, ñarra y boca.
  6. Si tas malu/a, queda en casa.
  7. Si tienes fiebre, tuse o problemas pa respirar, llama al 112, comenta-yos los tos síntomes y sigui les sos recomendaciones en casu de necesitar asistencia mélica.

Comments

comments

(Leido 50.471 veces)

Deja una respuesta

Tu dirección de correo electrónico no será publicada. Los campos obligatorios están marcados con *