Inicio > Sin categoría > 9 coses qu’indiquen que tas nuna relación sana
Sin categoría

9 coses qu’indiquen que tas nuna relación sana

Nuna gran pareya hai muncho más qu’atracción sexual ya intereses comunes. SALÚdable déxate equí les pistes pa saber si la to relación ye sana.

Préstavos probar nuevos restoranes xuntos, dar llargos paseos en bici y viaxar, pero nuna relación sana y gayolera hai otres cose que tener en cuenta, aparte de los intereses en común.

¿Qué ye lo que fae que una rellación seya dafechu sana? Una gran rellación ye un llugar seguru pa dambos onde poder amar, honrar y respetase mutuamente. Puedes tresmitir los tos deseos, necesidades y llímites, asina como escuchar a la otra persona.

Ye importante cultivar una rellación sana porque’l so opuestu, la rellación tóxica, chupa la calidá de vida y afecta l’ansiedá y la depresión, repercute nel descansu y afecta la salú del coral.

Tar una rellación romántica de gran valor asóciase con un mayor bientar, sigún los estudios recientes. Asina, también recueye que la soltería vien muncho meyor pa la salú que tar nuna mala rellación.

Lo que ye más, munches pareyes que tienen una rellación tósica nun se decaten de la so situación, sobre too si vienen de families onde esti tipu yera la norma. Asina que ye tovía más importante saber ónde tamos.

Equí tienes los nueve indicativos d’una bona rellación:

1.       Nun tienes problemes pa falar.

Ye cenciello saber cuándo faes daqué que nun-y presta al to mozu/a: nun llama en dos díes, quiciabes nun echa un gabitu coles xeres de casa si vivís xuntos. Pero nun siempres ye fácil falar y dicí-y a la otra persona cómo te sientes. Requier de muncha fuercia, confianza en sigo mesmo y valor, porque tienes d’enfocalo dende una situación feble. Nuna rellación sana siénteste tan seguro/a como pa poder comentar estes coses cola to pareya.

2.       La confianza ye’l pegoyu de la rellación.

La confianza ye daqué básico en toles relaciones, pero coles redes sociales y los móviles gusmiar ye demasiado cenciello. Nuna rellación sana, sicasí, nun sientes la necesidá. En parte ye porque t’amuesen que son de confianza, que pues fiate y que tan ehí disponibles pa ti cuando faiga falta. Tamién amuesen la so confianza en ti cuando te dan la llibertá y el espaciu que necesites ensin comprobar cómo tas cada poco, nin tampoco masuñate’l móvil.

3.       Conocéis el vuesu llinguax románticu.

Munches persones saben cómo-y presta a la so meta prefería dar y recibir amor: con pallabres d’afirmación, con tiempo de calidá, con regalos, con xestos o con contactu físicu. Nuna rellación sana, saques el tiempo pa deprendelo y asina expresar l’amor de forma que teais dambos a gustu.

4.       Coincidís en nun coincidir en too.

Toles pareyes discuten. Pero, al contrario de lo que paez, nun necesites igualo too. De fechu ye natural tener dellos temes nos que nun se poner d’alcuerdu. A vegaes ye perfechamente normal coincidir en nun coincidir en daqué, ye un enfrentamiento sanu. Nes relaciones saludables, hai unes cinco coses, polo menos, nes que nun vais davos la razón. Son temes nos que nun compartís nin la opinión nin la perspectiva, y asina ta bien.

5.       Animéisvos a algamar los vuesos oxetivos.

Munchos tienen un sueñu o un plan de vida, y cuando avieyemos ye cuando queremos caltener especialmente eses perspeutives. Nun pasa res si les tos aspiraciones nun s’allinien coles de la otra persona, siempre que vos sofitéis y vos animéis p’algamales.

6.       La to pareya y tú tenéis intereses destremaos.

Les pareyes más namoraes son les que son capaces de caltener los sos intereses, pero que nun culpen al so compañeru/a si nun los comparten. Ello ye que dambos tenéis d’animavos a experimentar colo que vos preste. Anque seya fácil adautase a lo que-y preste a la to pareya, col tiempo esto puede xenerar resentimientu. Desendolcar los intereses y apostar por sigo mesmo refuercia l’autuestima y l’ánimu.

7.       Siénteste bien nel to pelleyu.

Cuando tienes pareya, ye esencial conocer los puntos fuertes y febles. Quiciabes colos collacios teas mui cómodu, pero nel trabayu non. O sabes que hai cosiquines que pueden sacate de quiciu, como que la to pareya s’escaeza de sacar la basoria. Al marxe de cuálos seyan los tos puntos, ser consciente d’ellos puede aidate a querete y aceutate tal y como yes, lo que, al empar, fae que quieras y aceutes a la to pareya.

8.       Respetéis los vuesos llímites.

Tar nuna rellación sana sinifica ser un equipu. Dambes partes falen les coses y pónense dalcuerdu en temes que son importantes pa los dos, como por exemplu les vacancies. Si fales cola to pareya y reconoz y respeta los tos llímites, ye una bona señal. Eso sí, cuida que nun pase lo contrario porque sedría esmolecedor.

9.       Siénteste gayoleru/a y sofitáu/da.

Dempués d’un tiempo embarcáu/da na rellación, has de facete varies entrugues: ¿Siénteste gayoleru/a y sofitáu/da pola to pareya? ¿Cómo tán la to autuestima y el to ánimu? Si sientes que nun te sofita lo suficiente, fala con ella. Ye lo meyor que puedes facer.

Sintise infeliz nuna rellación puede trayer munchos problemas. Un estudiu sobre la influencia de les males relaciones na madurez amosó que la xente que tá nelles tien mayor riesgo de sufrir depresión, ansiedá y camientos suicides pola disfunción de la so rellación y l’estrés diariu. Eso sí, les pareyes fuertes sofiten al otru cuando-y fae falta.

Más información en la revista SaluDable de este mes.

Comments

comments

(Leido 53.122 veces)

Deja una respuesta

Tu dirección de correo electrónico no será publicada. Los campos obligatorios están marcados con *